تحدث الفنان محمد الشرنوبي عن معاناته مع شركة إنتاج سارة الطباخ التي دائما ما تسعى إلى حذف أغنياته من المنصات، وذلك على هامش أزمة شيرين عبد الوهاب مع شركة روتانا.

تفاصيل أزمة محمد الشرنوبي مع سارة الطباخ

وقال محمد الشرنوبي خلال مقطع فيديو له رصده موقع تحيا مصر عبر حسابه الشخصي على موقع تبادل الصور والفيديوهات إنستجرام، قال فيه: أنا مش فارقلي أي حاجة من اللي بتحصل غير أني سمعت صوتك، واحنا كجمهورك مستمتعين بأغانيكي الجديدة وصوتك، ويارب المشكلة اللي بينك وبين روتانا تخلص في أسرع وقت عشان نقدر نسمع صوتك بشكل طبيعي والأغاني تنزل بشكل طبيعي وتاخد حقها اللي المفروض تاخده.

محمد الشرنوبي: بقالي 5 سنين في مشاكل وقضايا مع سارة الطباخ

وتابع: أنا أكتر حد في الفترة دي ممكن يكون حاسس بشيرين أنا بقالي 5 سنين في مشاكل وقضايا مع سارة الطباخ أو مع الشركة اللي أنا كنت ماضي معاها ومن سنتين وكام شهر بالظبط يوم 24 مايو 2022 طلع حكم بانقضاء عقدي، وطلعت الشركة قالت لا عقده منتهاش، لحد ما طلع 3 أحكام بتأكد عن العقد انتهى خلاص وأني معنديش أي التزامات لأي شركة إنتاج وأكتر حاجة تثبت دا أني بمثل بشكل طبيعي وأن أنا ماضي مع شركة من أحسن الشركات في الوطن العربي شركة مزيكا ودي شركة كبيرة وعندها شئون قانونية وعندها ناس بتراجع ورق الناس اللي بتشتغل معاهم خصوصا لو حد من الناس دي عنده مشكلة قانونية معروفة للرأي العام.

أزمة حذف أغنيات محمد الشرنوبي

واضاف محمد الشرنوبي: فالناس دي اتأكدت أن كل حاجة انتهت وأني معنديش التزامات بأي شركة تانية وبناء عليه ماضينا مع بعض وبقينا نشتغل ونزلنا كذا أغنية، والمشكلة اللي بتواجهنا دلوقتي أن الأغاني بتفضل موجودة على المنصات كلها لأنه موقفنا سليم ولكن في ثغرة في قانون يوتيوب هي دي اللي احنا مش عارفين نتعامل معاها لأنها معمولة عشان تحمي حقوق الناس ولو حد ليه حق عند حد بياخده من خلال الثغرة دي مش عشان الناس تتعدى على حقوق الآخرين.

واستكمل: الثغرة دي أني بنزل فيديو على يوتيوب بيتعمل حاجة اسمها استرايك، ودي بتشيل الأغنية، ويوتيوب بتدي مهلة للي عمل الاسترايك دا 10 أيام عشان يرفع فيهم قضية، ولو رفع قضية الأغنية بتتشال لحد ما القضية تتحل في المحاكم والقضية بتاخد وقت طويل شوية ممكن يبقى 10 شهور، والثغرة دي هي استغلتها أول مرة في أغنية قلبي ارتاح واتكرر الموضوع في أغنية ايه اللذاذة دي وفي انتي الحياة وكل الحاجات دي اتشالت ورجعت، وأخر مرة.