روج مطرب المهرجانات الشعبية عمر كمال لأحدث أعماله الغنائية والتي أتت بعنوان مين في البلد قدنا والذي يشارك به إلى جانب نجم الغناء الشعبي عبد الباسط حمودة، وطرحها في مساء أمس الثلاثاء.

عمر كمال يروج لأغنية مين في البلد قدنا 

وظهر عمر كمال منذ قليل في فيديو رصده موقع تحيا مصر عبر حسابه الرسمي بموقع تبادل الصور والفيديوهات انستجرام، وهو يقول: اسمعوا دلوقتي اغنيتي مع النجم الكبير عبد الباسط حمودة مين في البلد قدنا على موقع يوتيوب وأنا بشكركم أنكم خلتوها تريند موقع تيك توك وعملتوا عليها مقاطع لذيذة، لكن هي دلوقتي موجودة على يوتيوب كمان واللينك في البايو.

وكان قد طرح عمر كمال أمس الثلاثاء رفقة المطرب الكبير عبد الباسط حموده أحدث أعمالهم الغنائية مين في البلد قدنا وذلك عبر موقع الفيديوهات الشهير يوتيوب، متمنين ان تنال الأغنية قدر كبير من النجاح كعادة أعمالهم الفنية.

كلمات أغنية مين في البلد قدنا 

وتقول كلمات أغنية مين في البلد قدنا: احنا البلد  عزوة وسند  لو على العدد  متعدناش  سالكين لبعض  بنحب بعض  وفي ضهر بعض  ومجليناش  اتقل تقال  والصحة عال  واقفين جبال  مين هزنا  المعلمة  متكلمة  رب السما  بيحبنا، اسأل علينا الناس تقولك مظبوطين  إعمام بلدنا وشرق غرب مسمعين  لينا هيبة في حضورنا وغيابنا مسيطرين  متصيطين وفي كل منطقه محبوبين  لما الاسود يظهروا  العولة يتبخروا  دي رساله للي ناسينا  واهو بينا بنفكروا  حبة أسامي ع الورق  وبقولكم ع الملأ  فوقوا كارتنا الكسبان  أما أنت كارت اتحرق  رجولتنا كيف  كلمتنا سيف  في بلدنا ضيف  ع الراس نشيله  شوفنا الغريب  قبل القريب  احنا الحبيب  لو فين نجيله  متمیزین  مش شفافين  دا تاریخ سنين  يا ولاد يومين  مين فيكوا كان  معروف زمان  يا بتوع الآن  هتروحوا فين، ادخل على الفيس بوك خد صورتي اسکرین  اهي تنفعك برضو في حوار ولا في كمين  لو حد يوم سألك وقال تقرب لمين  ادیني رنة وسيبها بس على المعين  مين في البلد قدنا  علشان يحددلنا  ده في ناس يا عم الناس  بتمشي على حسنا  الجدعنة في دمنا  والكل يشهدلنا  ‏متصيطين بأصول  ومشرفين نفسنا.

تفاصيل أغنية مين في البلد قدنا 

وتعد أغنية مين في البلد قدنا من كلمات مصطفى الجن، ألحان حسن أش أش، توزيع أشرف البرنس، ومن المتوقع أن تحقق مزيد من النجاحات خلال الساعات القليلة المقبلة، خاصة وأنها تتميز بمشاركة الصوت الشعبي الاصيل عبد الباسط حمودة بها.