حرص نجم الجيل تامر حسني للرد على رسالة محمد سامي الأخيرة الذي وجها لتامر حسني ليشكره على دعمه والوقوف بجانبه ليخوض مجال الإخراج.
وترك تامر حسني تعليق على منشور محمد سامي بالفيس بوك معلقًا:" يا سامي يا حبيبي يابن الناس الطيبين شكرًا من كل قلبي على كل حرف خارج من قلبك كتبته في حقي، خلتني أدمع يا سمسم، أولًا أنا صدقت موهبتك من وانت صغير سنًا لإنك فعلًا موهوب موهبه مش عاديه وتاريخ نجاحاتك يشهد بكده ".
واستكمل:"كنت عارف وانا بقدمك إني بقدم مكسب حقيقي للصناعه ومن يوم ماسجلت رقمك على تليفوني وهو مكتوب سامي ابني، عشان كان إصراري على تقديمك كان بقلب أب مش صديق أب مصدق في ابنه وعارف إن الناس مش هيدوله فرصه يطلع عشان سنه صغير،و الحمدلله برحلتك ورحلتي اثبتنا للدنيا إنها مش بالسن لأ !!!!… بالمجهود والتعب والشطاره والمذاكره وانت كل الصفات دي كانت فيك وانا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي".
واختتم '"حتى أعمالي اللي من إخراجك ليها مكانه خاصه في قلوب الناس
مسلسل آدم
فيلم أهواك
فيلم تصبح على خير
و لسه إن شاء الله نجاحات جايه مستنيانا مع بعض، ربنا يوفقك يا حبيبي في كل شغلك اللي جاي و تكسر الدنيا وفي القمه زي عادتك،، يا محمد شكرًا تاني على البوست الصادق ده شكرًا يا أصيل يا محترم ، ربنا يخلينا دايمًا لبعض ضهر وسند ".
آخر أعمال تامر حسني مع محمد سامي
يذكر أن أخر أعمال تامر حسني مع محمد سامي فيلم تصبح على خير وتدور أحداثه فى إطار كوميدى رومانسى حول مهندس ناجح وثرى يدعى "حسام الخديوى"، يعانى من مشاكل فى حياته الطبيعية فيلجأ إلى حياة بديلة من خلال جهاز جديد يُدخله فى عالم الأحلام.
فريق عمل تصبح على خير
يشارك في الفيلم عدد كبير من النجوم منهم تامر حسني، نور، مي عمر، محمود البزاوي، بدرية طلبة، درة، وغيرهم وهو من تأليف وإخراج محمد ساميج
0 تعليق