الدولة حاليا عاملة حرب شديد علي الناس اللي بتسرق الكهرباء خصوصا في المناطق العشوائية والمدن اللي حصل فيها تعديات علي الاراضي الزراعية والمباني المخالفة .. ياتري الحكومة بتعمل اية علشان تواجهه ظاهرة ارتفاع سرقة الكهرباء.. واية عقوبة اللي بيسرق الكهرباء حاليا

الكهرباء في الوقت الحالي عندها هدف اساسي وهو وقف عداد سرقة الكهرباء علي شبكات التوزيع، والتكليفات الدولة لوزير الكهرباء واضحة من البداية وهيا وقف عداد سرقة الكهرباء ورفع ايرادات القطاع ةزيادة التحصيل خصوصا أن الوزارة عليها مديونية بالملايين لوزارة البترول والثروة المعدنية بتاع شحنات الوقود الخاص بتشغيل مولدات الكهرباء.
طيب اية اللي الدولة بتعملة في موضوع مراقبة استهلاك التيار علي الشبكة؟.
رئيس الوزراء الدكتور مصطفي مدبولي، وجه وزارة الكهرباء والطاقة المتجددة بالسماح بتركيب العدادات الكودية للمبانى المخالفة بدون أية اشتراطات أو قيود، ويكون تركيب العداد الكودى بشكل مؤقت وده لفترة أقرب الأجلين إما تفنين الوضع طبقا لقانون التصالح فى بعض مخالفات البناء أو تنفيذ القرار الإدارى أو الحكم القضائى بإزالة العقار الوصل له التيار بوسيلة غير قانونية.
حاليا شركات توزيع الكهرباء بتحديد العقارات والمنشآت الموصل لها التيار داخل نطاق اختصاصها وبتقوم بتركيب العدادات الكودية لهم، وبتكون طريقة الحساب على قيمة استهلاك الكهرباء بسعر التكلفة المحدد من جهاز تنظيم مرفق الكهرباء  بسعر 214.5 قرش، وشركات التوزيع بتحسب قيمة العداد الكودى والأعمال اللازمة للتركيب بقيمة التكلفة الفعلية وبتخصم القيمة على أقساط من قيمة الشحن وفقا للقواعد المقررة.
طيب اية اللي بتعمله وزارة الكهرباء علشان تجبر المواطنين علي تركيب العدادات الكودية؟.
وزارة الكهرباء والطاقة المتجددة ممثلة فى كل شركات التوزيع التسعة على مستوى الجمهورية بتعمل حملات مكثفة للتفتيش على المشتركين اللي بيقومو بتوصيلات مخالفة من ورا العداد، والقرار ده بيشمل  الناس اللي موصله التيار بطرقة غير قانونية، وبتكون طريقة حسابهم على أعلى شريحة استهلاك وهى تعريفة موحدة بقيمة 5 . 214 قرش.
وزارة الكهرباء حاليا بتقوم بتركيب عدادت الحصر للعقارات المخالفة والمناطق الأكثر سرقة للتيار لحصر كمية الطاقة المستهلكة فى المنطقة؛ وشركات التوزيع بتقوم بتركيب النوع ده من العدادات فى المناطق الأكثر سرقة للتيار والعدادات بتقوم بتوزيع القيمة المستحقة على عدد الوحدات.
الموضوع بتاع وقف عداد سرقة الكهرباء مقفوش علي كده، لا ده كمان وزير الكهرباء محمود عصمت، ناقش مع بعض الشركات العالمية ومنها هواوي الصينية وسيمنس الألمانية استخدام التكنولوجيا الحديثة فى القضاء على سرقة الكهرباء ، عن طريق  تركيب العدادات الذكية لخفض نسب الفقد بشركات التوزيع .
مناقشات وزير الكهرباء مع شركات هواوي وسيمنس اكدت علي الاستعانة بأجهزة ذكية فى نقاط محددة على مستوى شبكة التوزيع لحساب الطاقة وكشف التلاعب فى معدلات الاستهلاك في حالة حدوثه واتخاذ قرارات فصل التيار فى حالات الطوارئ ، وكمان بحثت سبل تعميم التجربة لمواجهة التعديات على التيار الكهربائي، وكمان الاجتماع ناقش مراقبة الاستهلاك عن طريق وضع عداد مجمع فى الأكشاك وهيكون في أجهزة ذكية لنقل استخدام العدادات المنزلية أونلاين فى نفس اللحظة هيتم معرفة كمية الطاقة المستخدمة واذا كان هناك قراءات شاذة او سرقة للتيار، بالتالي هيتم التوجه للمكان ومعاينته لإثبات واقعة سرقة الكهرباء وتحرير المحضر اللازم.