شهادات الادخار واحدة من اهم الخدمات اللي بتقدمها البنوك للعملاء، واحد من اهم البنوك اللي اعلن عن طرح شهادات ادخار مختلفة للعملاء هو بنك مصر.. يا تري أية هيا ابرز الشهادات اللي قدمها بنك مصر في 2024... والفايدة بتاعتها بتوصل لكام.

شهادات الادخار واحدة من الخدمات المهمة اللي بتقدمها البنوك للعملاء واللي بيكون عليها اقبال كبير جدا من العملاء خصوصا أن مكسبها مضمون ومعرفة لكل الناس والمواطن فيها بيكون حاطط فلوسه ومطمئن عليها ومفيش بالنسبة له أي مخاطر ولا ضربات للسوق هتؤدي الي ارتفاع أو انخفاض في الأسعار، وبيكون عارف كل شهر هو هياخذ ربح أد اية، خصوصا أن مصر في الفترة الأخيرة فيها مخاطر ووقائع نصب كتيرة جدا في موضوع الاستثمار.
طيب اية هيا اهم الشهادات اللي طرحها بنك مصر في 2024؟.
مع بداية 2024، بنك مصر طرح مجموعة متنوعة من شهادات الادخار، واللي بتناسب مختلف احتياجات العملاء واللي دايما بيدروا علي طريقة لاستثمار فلوسهم بأعلى عائد بطرق مضمونة، وأول الشهادات دي هي شهادة طلعت حرب واللي بتوصل مدتها إلى 12 شهر والحد الأدني لشرائها 1000 جنيه ومضاعفاته ونسبة الفايدة ليها بتوصل لـ 23.5%، لما يكون الصرف الفايدة شهريا وبتوصل لـ 27% لما بيكون صرف الفايدة سنويا، وكمان البنك عطي الحق للعملاء في استرداد قيمة الشهادة أو جزء منها بس بشرط مرور 6 أشهر من تاريخ صدرها .

تاني الشهادات اللي طرحها بنك مصر في 2024، هيا شهادة ابن مصر الثلاثية المتناقصة، ودي شهادة مدتها 3 سنوات متناقصة والفايدة بتاعتها بتتصرف بدوريات مختلفة وفقا لتلبية احتياجات العملاء، وفي حالة الصرف السنوي هتكونا لفايدة بمعدل 30% في السنة الأولى، و25% في السنة التانية، و20% في السنة التالتة، وفي حالة كان الصرف ربع سنويا فتوصل الفايدة لـ 27% في السنة الأولى، و23% في السنة التانية، و19% في السنة التالتة وفي حال كان العميل عايز يصرف الفايدة شهريا هتوصل لـ26% في السنة الأولى، و22.5% في السنة التانية، و19% في السنة التالتة.
ثالث الشهادات اللي معانا النهاردة هيا شهادة القمة ودي شهادة ادخارية من بنك مصر مدتها 3 سنين، ودورية صرف العائد شهريا، وقيمة العائد للشهادة بيوصل لـ 21.5%، والحد الأدنى لشرائها 1000 جنيه ومضاعفاته .
طيب ليه بنك مصر طرح أنواع مختلفة من الشهادات بفايدة مختلفة؟.
الدكتور وليد جاب الله، الخبير الاقتصادي، قال أن شهادات الـ 30% الجديدة اللي طرحها بنك مصر، واللي وصلت الفايدة لها لدرجة غير مسبوقة في السوق المصري وبتناسب أصحاب المعاشات والقطاع العائلي واللي معنهمش خبرة كافية للاستثمار في الذهب أو العقارات، وكل الشهادات اللي طرحها بنك مصر أصبحت الخيار الأنسب لاي مواطن معندوهوش أي خبرات استثمارية في القطاعات المختلفة  .