يا ترى ايه اللى هيحصل فى مصر خلال ال 72 ساعة الجاية؟وايه القرارات اللى هيتم اعلانها يوم الخميس الجايى وهيكون ليها تأثير قوي على الأسواق وعلى القطاع المصرفي؟ وايه علاقة القرارات المرتقبة بسوق الصرف ومناخ الاستثمار؟

 

باقي 3 ايام وهتعقد لجنة السياسة النقدية فى البنك المركزي خامس اجتماع ليها فى 2024 للنظرفى أسعار الفايدة على الايداع والاقراض بعد ما تم تثبيت الفايدة فى اخر  اجتماعين للبنك المركزي وتحديدا من آخر رفع للفايدة بمقدام 600 نقطة أساس فى 6 ماس اللى فات

ومع ترقب قرارات لجنة السياسة النقدية فيه كمان ترقب كبير فى بنوك مصر لتغييرمجالس الادارات والاعلان عن القيادات الجديدة اللى هتقود القطاع المصرفي خلال السنين الجاية وسط كم كبير من المشاكل والتحديات اللى بيعانى منها الاقتصاد المصري مؤخرا وتحديدا من بعد اندلاع الحرب الروسية الاوكرانية فى فبراير 2022.

اجتماع لجنة السياسة النقدية الخامس فى 2024 بييجي وسط توقعات بان اللجنة ممكن تفاجيء الأسواق والأوساط المالية بتخفيض سعر الفايدة بقيم تتراوح بين 1 و2 %  وتوقعات تانية بتقول ان السيناريو الأقرب تثبيت الفايدة خصوصا ان التضخم لسه فى مسار تصاعدي ولسه كل الاجراءات اللى تمت منجحتش فى محاصرته او الوصول الى المعدلات المستهدفة من الحكومة والبنك المركزي

وعقدت اللجنة 4 اجتماعات فى 2024 شهد الاجتماع الاول والتاني خلال فبراير ومارس رفع سعر الفايدة 800 نقطة أساس بواقع 2 % فى فبراير  و6 %  فى مارس .. في حين شهد الاجتماع التالت والرابع خلال مايو ويوليو تثبيت اسعار الفايدة وبتدور توقعات الخبراء حوالين خيارين فى الاجتماع الخامس للجنة الاول استمرار تثبيت اسعار الفائدة والتاني خفض سعر الفائدة.

وفي آخر سنتين رفع البنك المركزي سعر الفائدة 19% منهم 8% خلال 2024  في فبراير(2%) وفى مارس (6%) مرة واحدة فى اجتماع استثنائي كان من بين قراراته كمان تحرير سعر صرف الجنيه أمام العملات الأجنبية

وبيصل سعر الفايدة في مصر حاليا  إلى مستوى قياسي عند 27.25% للإيداع و28.25% للإقراض بهدف كبح جماح التضخم أي الحد من وتيرة ارتفاع أسعار السلع الناجم من تحرير سعر الصرف.

وتراجع معدل التضخم السنوي لأسعار المستهلكين في المدن إلى 27.5% في يونيو من 28.1% في مايو.

وبيتزامن الكلام المرة دي عن اجتماع لجنة السياسة النقدية مع زيادة بورصة الترشيحات الخاصة بقيادات البنوك المصرية وتغيير مجالس الادارات وفيه كلام قوى جدا ان هيتم تأخير الاعلان بشكل رسمي عن القيادات الجديدة انتظارا لما بعد اعلان قرار لجنة السية النقدي يعنى كده بنسبة كبيرة ممكن الاعلان عن اسماء قيادات البنوك الجديدة يكون على الخميس بالليل او اول الاسبوع الجاي