خرج الفنان محمد التاجي في فيديو عبر حسابه الرسمي بموقع التواصل الاجتماعي فيسبوك ليعلن عن تعرضه لوعكة صحية شديدة في القلب، تطلب قيامه بعمليتين جراحيتين، ملمحا إلى معرفة بالمتسبب في أزمته المرضية.
محمد التاجي: عندي بؤرة بتلخبط نبضات القلب والدكاترة قالولي لازم تدخل جراحي
وقال محمد التاجي في تصريحات رصدها موقع تحيا مصر: مريت بظروف صحية متمناش حد يمر بيها، عندي بؤرة بتلخبط نبضات القلب عندي، وبسبب تدهور حالتي الأطباء قالوا لازم تدخل جراحي في القلب، وأنا عارف مين السبب في اللي أنا فيه بس مسامحهم والعفو عند المقدرة.
![00f1b06465.jpg](https://now.misr-post.com/content/uploads/2024/08/30/00f1b06465.jpg)
وأضاف محمد التاجي خلال حديثه: أنا بحاول إني أخرج من العادة اللي مش حلوة دي، وأنا عارف مين اللي حطني في المواقف دي، هما عارفين نفسهم كويس أوي، وبقولهم أنا مسامحكم ومش زعلان، والعفو عند المقدرة، ومش هقول منهم لله ولا هدعي عليهم، اللي مكتوبلي في الدنيا دي أنا شوفته، وعلى الأقل الفترة اللي باقية ليا في الدنيا دي إننا نعيشها في سلام.
محمد التاجي يهاجم الفن في الفترة الحالية
وسبق واثار محمد التاجي الجدل بتصريحاته، قائلا: بتجيلي أدوار عيب أوي وعمال ارفض فيها اليومين دول.. زمان كان اسمها أفلام مقاولات ورجعت تاني لكن دلوقتي بقت أفلام ميكروباصات.
![a9e1262c29.jpg](https://now.misr-post.com/content/uploads/2024/08/30/a9e1262c29.jpg)
وتابع حديثه عن الفن في الفترة الحالية: كل عصر في الطالح والصالح وكان في احترام كبير ما بينا وبين بعض، وكنا بناخد بإيد الوجوه الجديدة، وكنا بمجرد ما ندخل البلاتوه مش شايف نجوم كلنا شغالين مع بعض.. نور الشريف كان بيعلمنا في اللوكيشن، لكن دلوقتي الأجيال معندهمش ثقة بالنفس، عشان تساعد الناس اللي طالعة، وفي ممثلين بيقعدوا على المونتاج عشان يبوظوا لزمايلهم شغلهم، والمخرج بيكون ضعيف الشخصية.
محمد التاجي في مسلسل العتاولة
من ناحية أخرى، كان تألق الفنان محمد التاجي في مسلسل العتاولة والذي تم عرضه ضمن سباق مسلسلات رمضان 2024، وشارك في بطولته أيضا كلا من النجوم أحمد السقا، طارق لطفي، زينة، باسم سمرة، مي كساب، أحمد كشك، هدى الإتربي، نهى عابدين، ميمي جمال، زينب العبد، منة تيسير، مصطفى أبو سريع، مريم الجندي، مؤمن نور، محمد التاجي، يسرا الحديدي وغيرهم من تأليف هشام هلال، ومن إخراج أحمد خالد موسى، ودارت أحداث المسلسل في إطار 30 حلقة تم عرضهم على منصة شاهد الإلكترونية وقناة mbc مصر وحقق العمل نجاحات ساحقة خلال فترة عرضه.
0 تعليق