مفيش شك ان مصر فى آخر 3 سنين عاشت ظروف صعبة زيها زي معظم دول العالم.. ويمكن كمان الأزمة كانت أكبر عندنا لأن معظم احتياجاتنا بنستوردها من بره والحكومة والدولة بكل أجهزتها أول ناس اعترفوا بصعوبة الوضع.. وتصريحات الرئيس السيسي ورئيس الحكومة كانت دايما بتأكد على ان حال البلد صعب وصعب جدا كمان.. بس الأزمة المرة دي مكنتش من الداخل خالص وكانت مستوردة من بره نتيجة أحداث عالمية  زي الحرب الروسية الاوكرانية ومن بعدها العدوان الاسرائيلي على غزة واشتعال الصراع بين ايران وتل أبيب وغيرهم كتير من الأسباب اللى كان ليها تداعيات على سلاسل الامداد وعلى حركة التجارة وكمان على أسعار سلع مهمة زي الحبوب والنفط وكل ده عمل فجوة تمويلية كبيرة فى الموازنة العامة للدولة لأن الحجاجة اللى كنت عامل حسابك هتشتريها بمليون دولاربقت ب5 و6 مليون كمان .. بس الحمد لله مؤخرا فيه مؤشرات كتيرة بتقول ان مصر هتخرج من الكبوة وان اقتصادها هيكون الحصان الرابح فى 2025.. فيا ترى ايه اللى هيحصل الأيام الجاية ؟ وإزاي مصرممكن تنطلق وتكون واحدة من أهم الدول اللي بتستقبل استثمارات فى العالم كله؟

الوضع في المنطقة في طريقه للاستقرار والاقتصاد العالمي بدأ مرحلة التعافي والاقتصاد المصري مش هينافسه أي اقتصاد تاني في جذب الاستثمارات خلال الفترة الجاية بسبب الحوافز اللي بتقدمها الدولة..ده مش كلامنا ولامحاولة لتجميل الصورة .. لا ده كلام التقارير الدولية عن حجم نمو كبير وتراجع متوقع في معدلات التضخم.. وزيادة كبيرة وغير مسبوقة فى الاستثمارات الأجنبية اللى هتدخل البلد واللى هتعمل طفرة غيرمسبوقة فى المعروض النقدي من العملات الأجنبية وهتقضي بشكل كامل على أزمة الدولار

خد عندك مثلا تقرير وكالة فيتش اللى رسمت فيه صورة متكاملة عن الاقتصاد المصري كانت كلها تفاؤل وثقة فى انه هيعبر الأزمة السنة الجاية من خلال استعراض توقعات لعدد من المؤشرات خلال العام 2025 وما بعده كشفت أن اقتصاد مصر ماشي على الطريق الصحيح نحو التعافى رغم التحديات الجيوسياسية مدعوم بمجموعة من الخطوات الإصلاحية الاقتصادية والسياسات المالية والنقدية الحكيمة اللي عملها البنك المركزيبالتعاون مع الحكومة

تقرير فيتش  شايف أن التضخم فى مصر هيفضل مرتفع خلال النص التاني من 2024، بمتوسط 27٪ على أساس سنوى، بسبب بعض الضعف فى سعر الصرف وزيادات الأسعار فى خدمات زي الكهربا والوقود وقال ان ده هيضطر البنك المركزى للإبقاء على السياسة النقدية متشددة لنهاية السنة لكن الوكالة بتتنبأ بانخفاض التضخم بحلول فبراير 2025 لينحسر إلى مستويات 18.1٪ فى المتوسط.

ووفقًا للوكالة الدولية تراجع التضخم إلى أقل من 20٪ هيحفز البنك المركزى لبدء دورة تيسير السياسة النقدية إما مباشرة قبل فبراير او بعده بأيام قليلة.. وفقا لتقرير فيتش البنك المركزيعنده فرصة يخف الفايدة 12% خلال 2025 لتصل إلى 16.25٪ بنهاية السنة المالية 2024/2025.. كمان ارتفاع تدفقات رأس المال وإصدار الديون المحتمل هيسمح للبنك بمواصلة بناء احتياطيات النقد الأجنبى واللي ارتفعت إلى مستوى قياسى بلغ 46.6 مليار دولار بنهاية أغسطس 2024 وفيه توقعات انه يرتفع أكتر فى الشهور الجاية… مع توقعات كمان بارتفاع تحويلات المصريين العاملين بالخارج 31٪ على أساس سنوى ووصولها إلى 28.9 مليار دولار لتمثل 9.1٪ من الناتج المحلى الإجمالى.

مشبسفيتش اللى شايفة ان مصر فى 2025 هتعبر أزماتها الاقتصادية صندوق النقد الدولي توقع هو كمان تحقيق الاقتصاد المصري معدل نمو 5.1% في العام المالي  "2025/ 2026" ارتفاعًا من 4.1% متوقعة في العام المالي الحالي "2024/ 2025".. ومعدل نمو 5.6% خلال العام المالي "2028/ 2029"..وديأرقام ايجابيةومبشرة وبتقول ان مصر ماشية فى الطريق الصحيح

طب الحكومة بتخططلإيه فى السنة الجاية؟

الدولة حاليا بتستهدف زيادة الاستثمارات الأجنبية المباشرة وبتحاول تقلل الاعتماد على المعونات او على الاقتراضمن الخارج .. وبيتم استقطاب كبرى الشركات العالمية اللي بتستغل مصر كمركز إقليمي للتصنيع والإنتاج والتسويق وفيه خطة الحكومة شغالة عليها للوصول بمعدلات الاستثمار الأجنبي المباشر الى اكتر من  20 مليار على الأقل في السنة وكمان فيه خطة بالوصول بالصادرات إلى أكتر من 140 مليار دولار بحلول 2030