كتير من المصريين نفسهم يشتروا عربية عشان تسهل مشاويرهم وتنجز وقتهم بدل زحمة المواصلات، عشان كده السوق المحلي، بيلبي خلال الفترة الأخيرة احتياجات العملاء المالية بمختلف أنواعهم، يعني كل اللي نفسه يشتري عربية هيلاقي اللي نفسه فيه.

وطبعا، في ناس كتير بتفضل تشتري  موديلات حديثة وبسعر أقل من نص مليون جنيه، لكن مع تنوع طرازات السيارات بقت طريقة البحث عن الخيار الأمثل تحدي كبير عايز وقت وجهد، عشان كده هنقولك في الفيديو ده أسعار أرخص 5 سيارات جديدة متاحة في السوق المصرية بأقل من 600 ألف جنيه، وده مش كلامنا، ده كلام عضو شعبة السيارات منتصر زيتون.

أول أرخص عربيات في السوق، هي سوزوكي إسبريسو 2024، وبتتميز بأن فيها بناقل حركة يدوي أو أوتوماتيكي، ومطروحة بفئتين من التجهيزات عشان تلبي احتياجات شريحة واسعة من العملاء، أما أسعارها، فهي 450 ألف جنيه للنسخة اليدوية و530 ألف جنيه للنسخة الأوتوماتيكية.

وتاني حاجة، هي عربية رتون ساجا2024،  واللي متوفرة في السوق المصري بفئة واحدة، وسعرها 430 ألف جنيه، وبتشتغل  بروتون ساجا بمحرك 4 سلندر سعة 1332 سي سي بقوة 95 حصان وعزم 120 نيوتن.متر عند 4000 دورة/ الدقيقة بجانب ناقل حركة أوتوماتيك 4 سرعا.

والتالتة هي بي واي دي F3 موديل 2024، المتميزة بعدد من التجهيزات، زي قفل مركزي لفتح وغلق السيارة، ومصابيح ضباب أمامية، مرايات جانبية كهربائية مزودة بإشارات ضوئية، وعجلة قيادة باور ستيرنج، مكيف هواء يدوي، بالإضافة لنظام إيموبليزر ضد السرقة، ووسائد هوائية للحماية، وسعر الفئة الأولى مانويل 2024 590 ألف جنيه.

كمان موجود شيفروليه نيو أوبترا 2024، واللي بتعتبر من أكتر العربيات مبيعا في السوق المصري، عشان كده ارتفعت معدلات البحث من أصحاب السيارات عن أسعار ومواصفات سيارة شيفروليه نيو أوبترا 2024، وبتنتمي العربية دي لفئة السيارات السيدان مدمجة، ووصل سعرها 590 ألف جنيه.

ضيف للقايمة، سيارة شيري أريزو 2024 الجديدة، واللي سعرها وصل لـ600 ألف جنيه مانيوال، لكن مواصفاتها والمحرك الخاص بشيري أريزو، مكون من 4 أسطوانات بسعة 1.5 لتر تيربو، وبقوة 156 حصان، مع عزم دوران 230 نيوتن متر، مُقترن بناقل حركة CVT متغير باستمرار + 9 سرعات.

ولو ناوي تشتري فعلا عربية جديدة زيرو، فهنقولك شوية نصائح خلي بالك منها عشان تجيب المضمون، واللي أولها إن حضرتك لازم تشتري عربية تناسب احتياجاتك، يعني لو بتعمل برحلات يومية قصيرة، زي الشغل، فامترهقش نفسك بعربية سعرها عالي عليك، فاشتري عربية اقتصادية تناسب إمكانياتك.

تاني حاجة وانت بتشتري العربية، لازم تراعي احتياجات جميع الأشخاص اللي هيركبوا معاك في وقت السفر، سواء أطفال او كبار، وبعد كده شوف نوع المحرك بنزين أم ديزل أم كهرباء، واختار اللي يناسبك، ده غير إن حضرتك لازم تعرف تاريخ العربية، ومعلومات كتير عنها وعن عدذ الفحوصات، ومن حقك تدقق في كل كبيرة وصغيرة قبل ما تدفع الفلوس.

عشان كده، خليك ناصح وحريص واشتري المضمون.