تصدرت صورة كلب بلدي منصات السوشيال ميديا، وذلك عقب مشاركته بفيلم في مهرجان فينسيا.
نشر المخرج المصري خالد منصور، عبر صفحته الشخصية على “فيسبوك”، صورة للكلب "البلدي"، الذي شارك في بطولة فيلمه "البحث عن منفذ لخروج السيد رامبو"، أعلن من خلالها أن الكلب سيظهر على السجادة الحمراء لمهرجان فينيسيا الـ 81.
وكتب منصور تعليقًا على الصورة: "اللمسات الأخيرة قبل ظهور السيد رامبو على السجادة الحمراء في فينيسيا".
وسيعرض الفيلم المصري "البحث عن منفذ لخروج السيد رامبو"، لخالد منصور، ضمن برنامج "آفاق جديدة - إكسترا" من الدورة الـ 81، لمهرجان فينيسيا السينمائي، في عودة للسينما المصرية إلى عروض المهرجان، بعد غياب 12 عامًا، بحسب ما أعلنت "فيلم كلينك"، الشركة المنتجة والموزعة للفيلم.
وتدور أحداث فيلم "البحث عن منفذ لخروج السيد رامبو"، حول "حسن، الذي يجد نفسه مضطرا إلى مواجهة مخاوف ماضيه وإعادة اكتشاف نفسه في رحلته لإنقاذ كلبه الوفي رامبو"، بحسب مؤسسة "البحر الأحمر السينمائي" السعودية، الذي حصل الفيلم على دعمٍ منه
وقال خالد منصور في منشور له علي الفيس بوك:" حاولت أمنع نفسي كتير من الكتابة عن إحساسي تجاه فيلمي عشان بحس دايمًا لما بشوف حد كاتب الحاجات دي بنوع من الابتزاز العاطفي، بس إن شاء الله هتكون المرة الأولى والأخيرة، وبعد كده هكتفي بالأخبار الرسمية… أنا فخور أوي إن أول خطوة في رحلة الفيلم تكون في مهرجان ڤينيسيا، مش فخور لأنه إنجاز شخصي، بس فخور لأن كنت جزء من فريق كبير وعظيم من غيرهم مكنش الفيلم وصل لهنا، فخور بصحابي وشغلهم الملهم وفخور بإنجاز كل واحد فيهم كأني مشاهد عادي وفرحان بيهم.
مبسوط لأني دخلت رهان مع نفسي وكسبت، أغلب الناس اللي اشتغلت في الفيلم بتخوض تجربتها السينمائية الأولى، ده كتير من الناس لما بتسمعه بتحس بخطورته عشان عنصر الخبرة، بس ده بالنسبة لي كان تفضيل وعنصر مهم في الاختيار عشان هيوفر طزاجة وإخلاص مهمين جدًا بالنسبة لي في المشروع ده"
وأضاف:" نسبة كبيرة جدًا من صناع الفيلم سنهم في نص العشرين، ومن بينهم رؤساء الأقسام، ودي حاجة أدركتها وإحنا شغالين بس بسطتني.. وأخيرًا كل اللي اشتغلوا شباب شبهي ومن جيلي وكلهم مصريين، وكلهم أصحاب جودة مذهلة، أتمنى الناس كلها تتفرج ع الفيلم قريب عشان أعرف أشكر فيهم وفي شغلهم براحتي بحبكم وفخور بيكم واحد واحد والله".
0 تعليق