كتير منا معاه مبلغ قليل، وطبعا مش عارف يعمل بيه خصوصا لو رقم بسيط ومش هيعرف يشتري بيه حاجة. بس أنا هقولك دلوقتي علي طريقة مضمونة وسهلة قدر من خلالها تستثمر فلوسك وتاخذ دخل شهري من بنك مصر.. لو عايز تعرف ده كيف وأزاي.. شوف التقرير ده للأخر

الظروف الاقتصادية اللي اغلبنا بيعشها خلتنا مش عارفين نوفر قرش للزمن والظروف ، ولو قدرت تحوش حاجة للزمن هتكون ارقام بسيطة، وطبعا الارقام دي صعب جدا نحوش منها حاجة للزمن ، وطبعا مفيش طريقة نقدر نستثمرهم فيها، خصوصا لو مبلغ صغير لا يتعدي 5 أو 10 الاف جنيها .
من غير ما تلف ولا تحتار، أنا دلوقتي هقولك علي حل مضمون تقدر من خلاله تستمر اي فلوس حتي لو بسيطة، والحل ده قدمه بنك مصر واللي أعلن عن طر شهادات ادخار باقل فلوس معاك وحتي لو 5 آلاف جنيه، والمواطن يقدر من خلال الشهادات دي يحصل علي دخل شهري على ربح شهري من بنك مصر، وطبعا كل شهادة الربح بتاعتها بيختلف عن التانية.. أول شهادة معانا هيا شهادة القمة واللي بتوصل مدتها لـ 3 سنين، والحد الأدنى لشرائها بيوصل لـ 1000 جنيه ومضاعفاته، والبنك بيدي لعملائه معدل عائد ثابت طوال فترة الشهادة والعميل بيصرفه شهريا، والبنك عطي الحق للعميل في استرداد قيمة الشهادة أو جزء منها بعد مرور 6 أشهر من تاريخ إصدار الشهادة، وكمان البنك اتاح للعملاء الحق في استرداد قيمة الشهادة أو جزء منها وفقا لقواعد الاسترداد الخاصة بالشهادة، وكمان يقدروا ياخذوا قروض بضمانها.
تاني شهادة معانا النهاردة وهيا شهادة الادخار ذات العائد الثابت لمدة خمس سنين، ومدة الشهادة 5 سنين، والحد الأدنى لشرائها بيوصل 1200 جنيه ومضاعفاتهم للعائد الشهري، و1000 جنيه ومضاعفاته للعائد السنوي، وكمان بتدي فايدة ثابتة طوال فترة الشهادة وممكن العميل يصرفه شهرياً أو سنويا، ويقدر كمان يسترد قيمة الشهادة أو جزء منها بعد 6 أشهر من تاريخ اصدرها .
ثالث شهادة معانا وهي شهادة الادخار ذات العائد الثابت لمدة 7 سنين، ودي الحد الأدنى لشراها بيوصل لـ 750 جنيها ومضاعفاته، وبتدي معدل فايدة ثابتة طوال فترة الشهادة وبيصرف شهريا، وللعميل الحق في استرداد قيمة الشهادة أو جزء منها بعد  6 أشهر من تاريخ إصدار الشهادة.
رابع شهادة معانا وهيا الشهادة الثلاثية ذات العائد المتغير الشهري ومدته 3 سنين، والحد الأدنى لشراءها 500 جنيه ومضاعفاتهم وبتدي فايدة متغيرة العميل بيصرفها كل شهر، والعميل يقدر يسترد قيمة الشهادة أو جزء منها بعد 6 أشهر من تاريخ إصدار الشهادة، وكمان يقدر ياخذ قرض بضمانها .

وأخر شهادة معانا النهاردة وهيا الشهادة الثلاثية ذات العائد المتغير الربع سنوي ومدته 3 سنين، والحد الأدنى لشرائها 1000 جنيه ومضاعفاته، والبنك بيدي عليها فايدة متغيرة بتتصرف كل 3 شهور، والعملاء يقدروا يستروا قيمة الشهادة أو جزء منها بعد 6 أشهر من تاريخ إصدرها ، وكمان يقدر ياخذ قرض بضمانها .