علق الإعلامي عمرو أديب، على التعاون المصري-الصومالي والذي توقف بالاتفاق العسكري بين البلدين في مجال التدريب والأمن.
وقال أديب، خلال برنامج "الحكاية" المذاع على قناة "إم بي سي مصر": "مصر لا تفرط في أمنها القومي، وممكن يبقى في أي حتة وتستخدم فيه أي أداة، أي شيء يهدد الحدود هو يهدد الأمن القومي المصري، وعندما تقرر أي دولة أنها هتكون موجودة في مكان ما للحفاظ على أمنها القومي متخذة كل الوسائل القانونية الدولية ليس عليك شيء".
وأضاف: "وأنا شايف أن الخطوات اللي بتقوم بيها مصر جيدة جدًا وجايبة نتائج، لما تكون في مكان اللي بينافسك على الماية بتاعتك ويروا بشكل واضح أن أنت مبتهزرش، وأن أنا ممكن أضايقك بطرق كثيرة وأكون عنصر قلق ليك أنك تكون موجود في مكان، وأنا قريب منك جدًا".
وتابع: "مفيش أي دولة كبيرة إقليميا أو دوليا أي دولة ليها مصالح مبتستخدمش كل وسائلها سواء العسكرية أو الاقتصادية للحفاظ على أمنها القومي في كل مكان، أتحدث عن الدول المحورية والقديمة واللي عندها كثافات سكانية عالية ولا يمكن أن تفرط في حقوقها".
وواصل: "ما تقوم به مصر الآن تقوم به بشكل قانوني وبقول من الأول عشان في الناس بتوع السياسة الانكماشية، كل ما تنكمش الناس تتمدد عليك ومتديش فرصة لحد أنه يتمدد عليك أنت ليك مصالح واضحة، وعندك جيش عظيم تاريخي وعندك دولة ليها مصالح في المنطقة وأن لست معتديا من البداية أنت لم تأخذ رزق أحد ولا ماء أحدـ ولا غاز أحد أنت في مكان الاتفاقيات الدولية".
واختتم: "مصر قامت بعمل عدد من الشراكات العسكرية مع 7-8 دول، الصومال ليست الدولة الأولى وآخرها كان نيجيريا من يومين أرجوا الصخب اللي بتقوم بيه إثيوبيا، لازم يبقوا فاهمين اللي بيحصل، وأن مصر بتتحرك من خلال مسؤوليتها ووضعها مصر دولة عظمى في منطقتها، وأرجو بس الناس تبقى فاهمة اللي بيحصل".
0 تعليق