كشفت الفنانة ميس حمدان خلال تصريحات تلفزيونية عن أحدث أعمالها الغنائية الجديدة، والتي تحمل اسم "ندمانة"، وعن غيابها عن الساحة الفنية وغيرها من الأمور. 
 

وقالت:" هذه الأغنية سوف تكسر الدنيا لأنها تحكي عن موقف وهو اعتراف واحدة بخيانة حبيبها". 

 

وأضافت: "كان عندي ركود في شغلي ومكنش فيه أعمال متاحة، والحالة مريت بيها من 7 سنين، وأنا طوال عمري فنانة من وأنا صغيرة ومكنش عندي مهنة تانية غير الفن، وأنا متشبعة بالفن من جوايا، وفي لحظة ما قررت أدور على شغل تاني، وعملت بيزنس خاص بيا، وبالفعل دخلت في دوامة مهنة جديدة، ولكن بعد فترة الشغف تراجع، وفي النهاية أي مهنة بها صعود وهبوط وده طبيعي". 

 

وتابعت:" أعترف أني خلال الـ7 سنين اللي فاتوا مكنتش منتعشة في مهنتي الأساسية اللي هي الفن، وطبعًا الموضوع فيه تقصير مني ومبحبش ألوم العوامل الخارجية على كل اللي بيحصلي، ولكن ألوم نفسي الأول".

 

 

ميس حمدان: أخطأت في حق نفسي بشأن مهنتي
 

وأشارت:" أكيد أخطأت في حق نفسي بشأن مهنتي، منها أني كنت برفض أعمال كتير بتتعرض عليا، وهي أعمال مكنتش مقتنعة بيها بنسبة 100% وده غلط لأنه بالتأكيد لا يمكن أقتنع بالنسبة دي، ولكنه كان شغل مهم أعمله ويفضل اسمي متداول وأعمل علاقات وده أمر مهم".

 

وواصلت: "قابلت مخرجين كتير قالوا لي مش فاكرينك وقت ترشيحات في عدد من الأعمال، وده مش خطأهم ولكنه خطأ مني، لأن البعيد عن العين بعيد عن القلب".