ابل اعلنت عن الIphone 15 pro و ال iphone 15 pro max بشاشة بحجم 6.1 و 6.7 انش الجهاز حيجي بجسم من التايتنيم بالكامل و الي بيخليه اخف وفي نفس الوقت بيستحمل اكتر
ولاول مرة ابل تستغنى عن السلايدر بتاع السايلنت وتبدله بAction button وده زرار تقدر تستخدمه كبديل للسلايدر عشان يحط موبايلك سايلنت او تظبطه يعمل حاجة تانية زي الكشاف مثلا.
والجهاز بيجي بمعالج جديد وهو الA17 pro والي ابل بتقول انه مش بس بينافس معالجات المنافسين وبيحط عليها بل بيوصل ادائه لاداء معالجات desktop! المعالج جي ب6 كور و Gpu جديد والي ابل بتقول انها من خلاله قدرت تخلي الRay tracing اربع مرات اسرع !
بالاضافة لNeuro engine 18 core ابل خصصت جزء من المؤتمر لمطورين الالعاب واعلنت ان Assasin creed mirage حيبقى متوفر على الايفون !
وده شيء عظيم جدا كون ان دي لعبة PC و Console اصلا ! كمان حصري للايفون 15 برو و البرو ماكس حيبقى بUsb 3 ! بسرعة توصل 20x سرعة ال15 العادي , بس ده لازم من خلال “كابل مميز ” من ابل …
نيجي للكاميرات الكاميرا الرئيسية حتكون 48 ميجا بيكسل زي السنة الي فاتت لكن السيسنور حيكون اكبر وده يمكن اداء افضل في الضلمة و اداء افضل بشكل عام بسبب الضوء الاكتر الي حيوصل للعدسة
والايفون برو حيجي بكاميرا 12 ميجا 3x telephoto بينما الايفون برو ماكس هييجي بكاميرا جديدة 12 ميجا 5x telephoto بينما الكاميرا الاخيرة هي الUltrawide ب12 ميجا بيكسل وكمان ابل قالت تقدر تسجل الفيدوهات بشكل مباشر على هارد خارجي وتقدر تسجل فيدوهات بدقة 4K60 ProRes 4K. Log encoding.
سعر هاتف Iphone 15 pro
بالاضافة لده , ابل ضافت ميزة مسمياها Spatial video وهي فيدوهات 3d مخصصة انك تشوفها على نضارتهم الApple vision pro واخيرا بالنسبة للسعر
الايفون برو : 999$ بمساحة 128
البرو ماكس : 1199$ بمساحة تبدا من 256
